ວັນທີ 31/01/2019, ທະນາຄານການຄ້າຈໍາກັດຜູ້ດຽວ ຂອງຫວຽດນາມຢູ່ລາວ( VietinBank Lào) ໄດ້ຈັດຕັ້ງກອງປະຊຸມສະຫຼຸບການເຄື່ອນໄຫວທຸລະກິດປີ 2018 ແລະ ວາງທິດທາງ, ໜ້າທີ່ທຸລະກິດໃນປີ 2019.

 
                        ທ່ານ ຫງວຽນ ດຶກ ແທ່ງ ໄດ້ມີຄຳເຫັນໃຫ້ທິດຊີ້ນຳຕໍ່ກອງປະຊຸມ

     ເຂົ້າຮ່ວມກອງປະຊຸມມີສະຫາຍ ຫງວຽນ ດຶກ ແທ່ງ - ຮອງຜູ້ອໍານວຍໃຫ່ຍການທະນາຄານ ຫວຽດຕີນ, ປະທານສະພາ ທະນາຄານ ຫວຽດຕີນລາວ, ມີບັນດາສະມາຊິກໃນສະພາ ແລະ ຄະນະສະພາ ເຂົ້າຮ່ວມຢ່າງພ້ອມພຽງ. ທ່ານ ເລ ກວກ ນາມ ສະມາຊິກສະພາ, ຜູ້ອຳນວຍການທະນາຄານ ຫວຽດຕີນລາວ ຕາງໜ້າທະນາຄານ ຫວຽດຕີນລາວ ພ້ອມດ້ວຍຄະນະນໍາທະນາຄານ ແລະ ພະນັກງານ, ສະມາຊິກທັງໝົດຂອງທະນາຄານ ຫວຽດຕີນລາວ ເຂົ້າຮ່ວມ.
     ຜູ້ເຂົ້າຮ່ວມກອງປະຊຸມທັງໝົດໄດ້ຮັບຟັງການສະຫຼຸບວຽກງານການເຄື່ອນໄຫວທຸລະກິດໃນປີ 2018 ຜ່ານມາ ແລະ ທິດທາງ ໜ້າທີ່ປີ 2019; ໂດຍສະເພາະແມ່ນການປະກອບຄຳຄິດເຫັນຂອງບັນດາຫົວໜ່ວຍຂະແໜງການ, ຂອງບັນດາສາຂາຕ່າງໆໃນການເສີມຂະຫຍາຍທິດທາງ ໜ້າທີ່ທຸລະກິດໃນປີ 2019.
     ໃນປີ 2018 ຜ່ານມາ, ເຖິງແມ່ນວ່າພວກເຮົາຈະຜ່ານຜ່າຄວາມຫຍຸ້ງຍາກຕ່າງໆນາໆ ແລະ ການແກ້ງແຍ້ງແຂ່ງຂັນອັນດຸເດືອດຈາກທະນາຄານການຄ້າທີ່ຢູ່ໃນພຶື້ນທີ່ດຽວກັນກໍຕາມ ແຕ່ທະນາຄານ ຫວຽດຕີນລາວ ກໍໄດ້ເຮັດສໍາເລັດໜ້າທີ່ທີ່ຖືກມອບໝາຍໃຫ້ໄດ້ເປັນຢ່າງດີ ແລະ ໄດ້ກາຍເປັນຂີດໝາຍແຫ່ງຜົນສຳເລັດທີ່ສະຫງ່າງາມຕະຫຼອດ 06 ປີທີ່ຜ່ານຢ່າງໜ້າເພີ່ງພໍໃຈ, ການເຄື່ອນໄຫວທຸລະກິດແມ່ນໄດ້ຂະຫຍາຍຕົວຖືກທິດຕາມທີ່ທະນາຄານ ຫວຽດຕີນ ວາງອອກ ແລະ ມີການເພີ່ມຂຶ້ນຢ່າງຕໍ່ເນື່ອງ ພ້ອມດຽວກັນນັ້ນກໍໄດ້ມີການບໍລິຫານທີ່ໜັກແໜ້ນ. 
     ດ້ວຍຄວາມພະຍາຍາມຂອງບັນດາພະນັກງານ ແລະ ຄວາມເອົາໃຈໃສ່ຍູ້ໜູນຂອງສະມາຊິກໃນສະພາ ຫວຽດຕີນ ລາວ ຈຶ່ງໄດ້ມີຜົນສຳເລັດທີ່ໜ້າເພີ່ງພໍໃຈ. ທຸກໆຄາດໝາຍທີ່ວາງໄວ້ໃນປີ 2018 ນັ້ນ ລ້ວນແລ້ວແຕ່ໄດ້ຮັບຜົນສຳເລັດ ແລະ ລື່ນຄາດໝາຍ: ຕົ້ນທຶນໂດຍສະເລ່ຍປະຕິບັດໄດ້ 120% ຂອງແຜນການປີລຶບລ້າງໜີ້ສິນໄດ້ 100% ຂອງແຜນການ, ຜົນກໍາໄລປະຕິບັດໄດ້ 104% ຂອງແຜນການມອບໝາຍໃຫ້.

     
ຄະນະນຳຍົກຈອກອວຍພອນຜົນສຳເລັດຂອງທະນາຄານ ຫວຽດຕີນ ລາວ ໃນປີ 2018.

   ນອກຈາກການເຮັດທຸລະກິດແລ້ວ, ທະນາຄານ ຫວຽດຕີນລາວ ຍັງມີຜົນສໍາເລັດທາງດ້ານການຂະຫຍາຍສາຂາຕື່ມອີກ ເຊັ່ນໄດ້ສ້າງຕັ້ງສາຂາຢູ່ໃນພື້ນທີ່ໃນນະຄອນຫຼວງວຽງຈັນຂອງລາວ; ສືບຕໍ່ກໍ່ສ້າງສຳນັກງານໃໝ່ໃຫ້ສຳເລັດ, ບູລະນະກົງຈັກດ້ານບຸກຄະລາກອນ, ດຶງດູດເອົາແຮງງານທີ່ມີຄຸນນະພາບ, ເປີດການນຳໃຊ້ບັນດາຮູບແບບ, ໂຄງການບໍລິຫານທີ່ມີຄວາມສ່ຽງໃນການເຄື່ອນໄຫວ. ຮັບປະກັນໃຫ້ຊີວິດການເປັນຢູ່ ແລະ ລາຍຮັບຂອງຜູ້ອອກແຮງງານໃຫ້ປົກກະຕິ ເພື່ອເປັນບ່ອນອີງໃຫ້ແກ່ການປະຕິບັດແຜນການທຸລະກິດໃນຊຸປີຕໍ່ໜ້າໃຫ້ມີການເພີ່ມຂຶ້ນທາງດ້ານປະລິມານ ແລະ ປະສິດທິຜົນຂອງການເຄື່ອນໄຫວ.
     ກອງປະຊຸມໄດ້ຮັບຟັງຄຳເຫັນຊີ້ນຳຂອງສະຫາຍ  ຫງວຽນ ດຶກ ແທ່ງ ຕໍ່ກັບທິດທາງ ແຜນການໃນປີ 2019, ເອົາໃຈໃສ່ວຽກງານບໍລິຫານທີ່ມີຄວາມສ່ຽງລວມຕໍ່ທະນາຄານ, ປັບປ່ຽນໂຄງສ້າງເປົ້າໝາຍລູກຄ້າຕາມທິດເພີ່ມສະມັດຕະພາບໃຫ້ສູງຂຶ້ນ. ພ້ອມກັນນີ້ກໍຕ້ອງມີການກະຕຸກຊຸກຍູ້ການກໍ່ສ້າງສຳນັກງານໃໝ່ໃຫ້ສຳເລັດ, ເປີດກ້ວາງສາຂາເພື່ອຍົກໃຫ້ທະນາຄານ ຫວຽດຕີນ ຂຶ້ນສູ່ບາດກ້າວຂະຫຍາຍຕົວໃໝ່ໃນຕະຫຼາດການເງິນຢູ່ລາວ.
     ປີ 2019 ຈະເປັນປີແຫ່ງຄວາມຫວັງໃໝ່ໃນຫຼາຍເຫດການເຄື່ອນໄຫວທຸລະກິດຢູ່ລາວຂອງທະນາຄານ ຫວຽດຕີນລາວ, ພິເສດແມ່ນການຍົກຍ້າຍມາຢູ່ສຳນັກງານໃໝ່ໃນຖະໜົນ ລ້ານຊ້າງ-ສູນກາງການຄ້າຂອງປະເທດລາວ. ສຳນັກງານໃໝ່ ໂດຍມີເຄື່ອງໝາຍການຄ້າ VietinBank ລາວຈະມີການສາດແສງໃນລະດັບໃໝ່ສູງກ່ວາ, ຈະເປັນກຳລັງແຮງພື້ນຖານໃຫ້ແກ່ທະນາຄານ ຫວຽດຕີນ ຂຸດຄົ້ນ ແລະ ເສີມຂະຫຍາຍກໍາລັງແຮງສູງສຸດໃນເວທີຕະຫຼາດການເງິນ.
     ໄປຄຽງຄູ່ກັນນັ້ນ, ໃນລະບົບ Core ShunShine ທີ່ມີຈຸດເດັ່ນຫຼາຍຢ່າງນັ້ນຈະຕອບສະໜອງໄດ້ກັບຄວາມຮຽກຮ້ອງຕ້ອງການທາງດ້ານທຸລະກິດຂອງທະນາຄານ ທີ່ຈະໄດ້ເອົາມານຳໃຊ້ຢູ່ທະນາຄານ ຫວຽດຕີນລາວ. ໄປພ້ອມໆດຽວກັນນັ້ນ, ທະນາຄານ ຫວຽດຕີນລາວກໍຈະເປີດການນຳໃຊ້ ໂປແກມ Basel II ຂຶ້ນຕາມທິດຊີ້ນຳລວມຂອງທະນາຄານ ຫວຽດຕີນ.
     ກອງປະຊຸມຄັ້ງນີ້, ຍັງໄດ້ຈັດງານອຳລາ ທ່ານ ນາງ ຟາມທິເຈົາ - ປະທານຄະນະກໍາມະການກວດກາຂອງທະນາຄານຫວຽດຕີນ ລາວ ອີກ ທີ່ໄດ້ພັກຜ່ອນບຳນານ. ຕະຫຼອດໄລຍະເວລາ 30 ປີທີ່ ທ່ານ ນາງເຈົາ ທີ່ໄດ້ເຮັດວຽກຢູ່ທະນາຄານ ຫວຽດຕີນ ແລະ 06 ປີທີ່ຕິດພັນກັບທະນາຄານ ຫວຽດຕີນລາວເພີ່ນໄດ້ຊີ້ນຳນຳພາ ແລະ ພ້ອມກັນກັບ ທະນາຄານ ຫວຽດຕີນ ວາງນະໂຍບາຍ, ວາງຍຸດທະສາດພັດທະນາ, ການນຳໃຊ້ບຸກຄະລາກອນ, ການຄຸ້ມຄອງການເງິນ, ການພົວພັນຕ່າງປະເທດ, ວຽກງານປິດບັນຊີ ແລະ ການກໍ່ສ້າງພື້ນຖານຕົ້ນຕໍຈຳນວນໜື່ງ, ເພີ່ນໄດ້ປະກອບສ່ວນອັນໃຫ່ຍຫຼວງໃຫ້ທະນາຄານ ຫວຽດຕີນ ຢູ່ລາວ.